Кыргызстан 2025-жылдын биринчи кварталында рекорддук экономикалык өсүш көрсөттү

Бүгүн Министрлер кабинетинин төрагасы Адылбек Касымалиев 2025-жылдын биринчи кварталы боюнча өлкөнүн социалдык-экономикалык өнүгүүсүнүн жыйынтыгын жарыялады. Бул тууралуу өкмөттүн маалымат кызматы билдирди.

Маалыматка ылайык, ички дүң продукт 13,1 пайызга өсүп, бул экономикадагы бардык негизги тармактарда чоң ийгиликтерге жетишилгенин тастыктайт.

Айрыкча төмөнкү тармактар жогорку өсүштү көрсөттү:

Тамак-аш өнөр жайы – өндүрүш көлөмү 71 пайыз өстү. Бул айыл чарбасын жана кайра иштетүүчү ишканаларды колдоо программалары ийгиликтүү иштеп жатканын айгинелейт.
Курулуш тармагы – 69 пайыз өсүш катталып, өлкөдө инфраструктуралык долбоорлор жана инвестициялар жигердүү жүрүп жатканын көрсөттү.
Негизги капиталга инвестициялар – 90 пайыз өсүш менен инвестициялык климаттын жагымдуулугун жана ишкерлердин ишенимин далилдеди.

"Бул жыйынтыктар президенттин командасынын эффективдүү ишинин жыйынтыгы. Биз экономикабызды өнүктүрүп, элдин жашоо деңгээлин жогорулатуу үчүн ишти улантабыз", - деди Адылбек Касымалиев.

Автор: Жазгүл Жаңыбаева