Министр Бакыт Төрөбаев Таласта жетекчилер менен жыйын өткөрдү

Айыл чарба министри Бакыт Төрөбаев Талас облусуна болгон иш сапарынын алкагында жергиликтүү акимдер жана айыл өкмөттөрдүн өкүлдөрү менен жыйын өткөрдү. Бул тууралуу министрликтин маалымат кызматы билдирди.

Маалымдалгандай, жыйында министрликтин 5 артыкчылыктуу багыты жана мамлекет тарабынан дыйкандарга сунушталган жеңилдетилген насыя булактары боюнча кеңири презентация болду.

Талкууланган негизги долбоорлор:

"Айыл чарбасын каржылоо – 13"
"Өсүмдүк өстүрүү"
"Мал чарбачылык"
"Сууну үнөмдөөчү технологиялар"
"Бириккен товар өндүрүүчүлөрдү каржылоо" долбоору

"Бириккен товар өндүрүүчүлөрдү каржылоо" долбоору 2025-жылдан тартып ишке кирди. Анын максаты – жеңилдетилген насыялар аркылуу кичи товардык өндүрүштү ирилештирүүгө көмөктөшүү жана дыйкандарга мамлекеттик колдоо көрсөтүү.

Негизги шарттар:

Мал чарбачылыгы жана өсүмдүк өстүрүү менен алектенген бириккен өндүрүүчүлөргө - 25 миллион сомго чейин, 60 айга, 6 пайыздык чен менен;
Кластердик бирикмелер жана кайра иштетүү ишканалар үчүн –150 миллион сомго чейин, 60 айга, 6 пайыздык чен менен;
Ресурстарды үнөмдөөчү технологиялар менен иштеген чарбаларга (тамчылатып сугаруу, күнөскана, МТС түзүү жана башка) –150 миллион сомго чейин, 60 айга, 6 пайыздык чен менен.

Долбоор республикалык бюджеттен жана "Айыл Банк", "Элдик Банк" ачык акционердик коомдору тарабынан каржыланат.

"Сапардын алкагында Бакыт Төрөбаев Таласта бир нече кайра иштетүүчү ишканаларды, суу объектилерин ачып, жергиликтүү эл менен жолугушууларды өткөрдү", - деп жазылат билдирүүдө

Автор: Жазгүл Жаңыбаева
Фото: Айыл чарба министрлиги