Айлыгы 55 миң сомго чейин. Бишкекте 500 айдоочу ишке алынат

Бишкек шаардык мэриясы бүгүн, 18-апрелде муниципалдык кызматтардагы бош жумуш орундарынын тизмесин жарыялады.

Ага ылайык, «Бишкек шаардык транспорт» муниципалдык ишканасына 500дөн ашык айдоочу талап кылынат. Орточо айлык акы 50 000 – 55 000 сомго чейин.

Кененирээк маалымат алуу үчүн төмөнкү номерлерге кайрылса болот: 0 (312) 53 17 89, 0 (312) 53 48 19 (кадрлар бөлүмү).

Ал эми «Бишкекжашылкурлуш» муниципалдык ишканасына 300дөн ашык кызматкер талап кылынат. Айлык акы 25 000 – 40 000 сомго чейин. Маалымат үчүн байланыш телефондору: 0 (312) 37 53 32, 0 (555) 448 884 (WhatsApp).

«Тазалык» муниципалдык ишканасына коомдук жайларды тазалоочулар, жүктөгүчтөр жана сезондук жумушчулар, жалпы 241 кызматкер талап кылынат. Айлык акы 15 000 – 35 000 сом. Толук маалымат алуу үчүн төмөнкү номерге кайрылса болот: Телефон: 0 (555) 977 981.

«Бишкекасфальтсервис» муниципалдык ишканасына инженерлер, жол жумушчулары, машинисттер жана айдоочулар талап кылынат.

Бош орундардын саны 92. Айлык акы 25 000 – 50 000 сом. Маалымат үчүн байланыш номери: +996 (555) 888 243.

«Бишкекжарык» муниципалдык ишканасына электрмонтёрлор жана эксковатор айдоочусу талап кылынат. Айлык акы 33 000 сомдон жогору болору айтылды. Маалымат алуу үчүн: 0 (312) 65 08 15, +996 (700) 004 049.

Автор: Айжанар Рыспек кызы
Фото: интернеттен алынды