Чүйдө прокурорго пара берүүгө аракет кылган жаран кармалды

Чүй облусунда прокурорго пара берүүгө аракет кылган жаран кармалды. Бул тууралуу Башкы прокуратурадан кабарлашты.

"Жүргүзүлгөн ыкчам иш-чаранын алкагында К.К.К. аттуу жаран пара берүү фактысы менен кармалды.

Ал адам өлтүрүү боюнча соттолуп, жазасын өтөп жаткан У.А. аттуу таанышын жатак-абакка мыйзамсыз которуу маселесин чечүү үчүн Чүй областынын Аламүдүн районунун прокурорунун жардамчысына 50 миң сом өлчөмүндө акча каражатын пара катары сунуш кылган", - деп билдиришти Башкы прокуратурадан.

Шектүү К.К.К. Бишкек шаардык ички иштер башкармалыгынын убактылуу кармоочу жайына киргизилип, учурда бул факты боюнча тергөө жана ыкчам иш-аракеттер жүргүзүлүүдө.

Автор: Азат Бейшенбеков