Бишкекте жаранды таяк менен башка чаап, акчасын тартып алууга шектелген адам кармалды (видео)

Бишкекте киши карактоого шектелген 47 жаштагы жаран кармалды. Бул тууралуу бүгүн, 18-апрелде Октябрь РИИБинен билдирди.

Маалыматка ылайык, 8-апрелде милицияга акча алмаштыруу жайында иштеген жаран арыз менен кайрылган. Ал ошол эле күнү саат 21:35 чамасында белгисиз адам Совмин шаарчасынан аны башка таяк менен чаап, 50 миң долларын тартып алганын айткан.

Факты боюнча Кылмыш-жаза кодексинин 207-беренеси (Каракчылык) менен кылмыш иши козголгон. Шектүү кармалып, убактылуу кармоочу жайга киргизилген.

Райондук милиция ал тартып алган акча каражатын өз ыктыяры менен өткөрүп бергенин белгиледи. Учурда тергөө иштери уланууда.