Бишкектеги №67 мектептин 11 кабинети жеке менчикке берилип кеткен

Бишкекте №67 орто мектептин аймагындагы жалпы аянты 751,2 чарчы метрди түзгөн 11 кабинет жеке менчикке мыйзамсыз берилип кеткендиги аныкталды. Бул туурасында Башкы прокуратурадан билдиришти.

Маалымдалгандай, 10-апрелде Свердлов райондук прокуратура тарабынан менчик укугун жараксыз деп табуу тууралуу доо арыз сотко жиберилип, учурда иш каралып жатат.

Бул факты боюнча Кылмыш-жаза кодексинин 336-беренеси (Коррупция) боюнча кылмыш иши козголуп, тергөө амалдары жүргүзүлүүдө.

Аталган иштин жагдайы Башкы прокуратура тарабынан көзөмөлгө алынгандыгы маалыматта кошумчаланган.

Автор: Замира Ниязбекова