Кыргызстан менен Бахрейн кызматташуу боюнча бир нече документтерге кол коюшту. Алар кайсылар? (тизме)

Бүгүн, 21-апрелде президент Садыр Жапаровдун Бахрейн падышасы Хамад бин Иса Аль Халифа менен сүйлөшүүлөрдү жыйынтыктаган соң бир катар документтерге кол коюшту. Бул туурасында президенттин басма сөз кызматы билдирип, тизмесин жарыялады.

- Дене тарбия жана спорт тармагында кызматташуу боюнча өз ара түшүнүшүү жөнүндө меморандум;

- Аба катнаштары жөнүндө макулдашуу;

- Экономикалык кызматташтык боюнча өз ара түшүнүшүү жөнүндө меморандум;

- Саламаттыкты сактоо тармагындагы өз ара түшүнүшүү жөнүндө меморандум;

- Маданият тармагындагы кызматташуу боюнча өз ара түшүнүшүү жөнүндө меморандум;

- Жаштар саясаты жаатында өз ара түшүнүшүү жөнүндө меморандум;

- Юстиция жана сот адилеттиги тармагында кызматташуу боюнча өз ара түшүнүшүү жөнүндө меморандум;

- Дин чөйрөсүндө кызматташуу боюнча өз ара түшүнүшүү жөнүндө меморандум;

- Эки өлкөнүн соода-өнөр жай тармагындагы кызматташуусу боюнча макулдашуу.