Милиция Бишкекте мушташкан скутер менен унаа айдоочулары боюнча маалымат берди (видео)

Бишкекте мушташкандардын бирине айып пул салынды. Бул тууралуу бүгүн, 23-апрелде Биринчи май РИИБинен билдирди.

Маалыматка ылайык, милиция 21-апрелде социалдык тармактарда унаа айдоочусу менен скутер айдоочусу мушташып жатканы тартылган видео тараары менен аларды аныктоо иштерин баштаган.

Жыйынтыгында Toyota Prius үлгүсүндөгү унаанын айдоочусу аныкталып, ага Укук бузуулар кодексинин 126-беренесинин (Майда бейбаштык) негизинде прокол түзүлүп, райондук сот тарабынан 5500 сом айып салынган.

Учурда буга катышы бар башка жарандарды аныктоо иштери жүрүүдө.