Оштогу Ак-Буура дарыясынан ок-дарылар табылды

Кара-Суу районунда дарыядан ок-дарылар табылды. Бул тууралуу Ош облустук ички иштер башкармалыгы билдирди.

Маалыматка ылайык, милицияга А. аттуу жаран ок-дарыларды сактап жүргөндүгү тууралуу маалымат түшкөн. Факты каттоого алынып, тергөөгө чейинки текшерүү иштери башталган. Чогултулган материалдын негизинде Кылмыш-жаза кодексинин 267-беренеси (Куралды, ок-дарыларды мыйзамсыз жүгүртүү) менен кылмыш иши козголгон.

Кара-Суу райондук милициясы буга тиешеси бар жаранды аныктап, кармаган. Анын көрсөтмөсүнүн негизинде Ак-Буура дарыясына кароо жүргүзүлүп, жалпы 75 даана 5.45 калибрлүү ок табылган.

Учурда буга тиешеси бар башка адамдарды аныктоо иштери жүрүүдө.

Автор: Кылымбек Бейшеев
Фото: Ош ОИИБ