Бишкекте Искусство университетинин спортзалынын курулушу башталды

Бишкектеги Бүбүсара Бейшеналиева атындагы Кыргыз мамлекеттик маданият жана искусство университетинин спортзалынын курулушуна старт берилди. Бул тууралуу окуу жайдын басма сөз кызматы билдирди.

Маалыматка ылайык, кечээ, 24-апрелде спорттук залдын жер төлөсүнүн орунун казуу иштери башталды.

Мекеме имарат Улуттук коопсуздук кызматы тарабынан каржыланып жатканын белгиледи.

"Ушул жылдын 16-январында УКМК төрагасы Камчыбек Ташиев Кыргызстандагы окуу жайлардын ректорлоруна жыйын өтүп, анда ректор Түмөнбай Колдошовдун кайрылуусуна карата КУМИУнун спортзалын салып бере тургандыгын убада кылган", - дешти мекеме.