АКШ Украина кээ бир аймактарын Орусияга берүүгө даяр экенин билдирди

Украина Орусияга оккупацияланган аймактарды мыйзамдуу түрдө тааныбастан жана узак мөөнөткө макул болбостон көзөмөлгө берүүгө даяр. Бул тууралуу АКШ президенти Дональд Трамптын атайын өкүлү Кит Келлог Fox News телеканалына берген маегинде билдирди.

"Украиндер Орусия басып алган аймактарды берүүгө даяр, бирок алар муну мыйзамдуу түрдө түбөлүккө тааныбайт. Алар ок атышпоо келишими түзүлгөндө ар бир тарап ээлеген позицияларында кала берерин түшүнүшөт", - деп баса белгиледи Келлог.

АКШ президентинин атайын өкүлү украин тарапка АКШ иштеп чыккан 22 пункттан турган тынчтык планы берилгенин да айтты. Келлогдун айтымында, Киев документтин бардык жоболорун кабыл алууга даяр.

Автор: Азат Бейшенбеков