Кыргызстандык окуучулар Балкан математика олимпиадасында 5 медалга ээ болушту

Кыргызстандык окуучулар Сараево шаарында өткөн 42-Балкан математика олимпиадасында байгелүү орундарга ээ болушту. Бул тууралуу бүгүн, 2-майда Билим берүү жана илим министрлиги билдирди.

Маалыматка ылайык, олимпиадага 23 өлкөдөн 143 окуучу катышкан. Ал эми алты окуучудан турган Кыргызстандын командасы бир күмүш, төрт коло медаль утту.

Катышуучулардын жыйынтыктары:

Бобрус Ян – күмүш медаль 9-класстын окуучусу.

Эшперов Нурсултан – коло медаль, 11-класстын окуучусу.

Капаров Нурдөөлөт – коло медаль, 11-класстын окуучусу.

Киргизбаев Назар – коло медаль, 11-класстын окуучусу.

Султан Мусаходжаев – коло медаль, 9-класстын окуучусу.

"Кыргызстан бул олимпиадага жетинчи жолу катышууда. Окуучуларыбыз жалпысынан бул олимпиададан 12 медаль утушкан", - деп билдирди министрлик.

Автор: Бурул Турусбекова