Согуш ардагерлерине 9-Майга карата 100 миң сомдон берилди

Өлкөдө Улуу Ата Мекендик согуштун ардагерлерине бир жолку материалдык жардам көрсөтүлдү. Бул тууралуу Эмгек, социалдык камсыздоо жана миграция министрлиги кабарлады.

Анда айтылгандай, учурда Кыргызстандын аймагында согуштун 32 ардагери (1 согуштун майыбы, 13 согуштун катышуусу, 7 концлагерлердин туткуну жана 11 Ленинград блокадасынын катышуучусу) жашайт.

"Жеңиштин 80 жылдыгына карата бардык ардагерлерге 100 000 сом өлчөмүндө бир жолку материалдык жардам көрсөтүлдү. Жалпысынан 3,2 миллион сом төлөндү", - деп жазылат расмий билдирүүдө.

Автор: Айжанар Рыспек кызы
Фото: интернеттен алынды