Азамат Саралаев жаңы кызматка дайындалды

Айыл чарба министрлигине караштуу Жерди жана сууну көзөмөлдөө кызматынын директору болуп Азамат Саралаев дайындалды. Бул тууралуу аталган министрликтен билдиришти.

Жаңы дайындалган жетекчини эмгек жамаатка айыл чарба министринин биринчи орун басары Жаныбек Керималиев тааныштырды.

Азамат Саралаев 1991-жылы туулган, Кыргыз өкмөтүнө караштуу Юридикалык академияны аяктаган.

2015-жылы “СОС” ЖЧКсында директордун орун басары, 2016–2021-жылдары өкмөткө караштуу Экологиялык жана техникалык коопсуздук инспекциясында инспектор, улук инспектор, башкы инспектор жана бөлүм башчы болуп эмгектенген.

2021-2022-жылдары Айыл чарба министрлигине караштуу Жер жана суу мамлекеттик инспекциясында директордун орун басары, ал эми 2022-жылдын март айынан Жерди жана сууну көзөмөлдөө боюнча кызматта директордун орун басары болуп иштеген.

Автор: Айжанар Рыспек кызы
Фото: Айыл чарба министрлиги