Бишкектик спортчулар параармрестлинг боюнча Азия чемпиондугунда мыкты жыйынтык көрсөтүштү

2-8-май күндөрү Индиянын Дели шаарында өткөн параармрестлинг боюнча 22-Азия биринчилигинде кыргызстандык спортчулар байгелүү орундарга ээ болушту. Бул тууралуу Бишкек шаарынын мэриясы билдирди.

Маалымдалгандай, мелдешке өлкөнүн атынан үч спортчусу катышкан.

Токтосун уулу Бекболсун (60 килограмм салмак категориясы, кыймыл жана таяныч мүмкүнчүлүгү чектелген) сол жана оң кол боюнча эки алтын байге алып, эки жолку Азия чемпиону аталды.

Камчыбек уулу Эрлан (60 килограмм салмак категориясы, угуу мүмкүнчүлүгү чектелген) сол кол боюнча 3-орун, оң кол боюнча 2-орунду ээлеген.
Нурматов Евгений (90 килограммдан ашык, көрүү мүмкүнчүлүгү чектелген) сол кол боюнча күмүш, оң кол боюнча коло медаль тагынган.