Эмгек министрлиги баатыр энелерге берилчү жөлөк пулдун суммасын маалымдады

Пенсия алууга укугу жок баатыр энелер Эмгек, социалдык өнүгүү жана миграция министрлиги аркылуу ай сайын 3000 сом өлчөмүндө социалдык жөлөк пул алышат. Мындай маалымат бүгүн, 19-майда министрликтин расмий баракчасында жарыяланды.

Маалыматка таянсак, ушул жылдын 1-майына карата өлкөдө ай сайын социалдык жөлөк пул алган баатыр энелердин саны 90 адамды түздү.

Пенсия курагына жеткенде ( 58 жашка чыкканда) пенсиялык камсыздандырууга укуктуу баатыр энелер пенсиясын Социалдык фонд аркылуу алышат.

Соцфонддун маалыматына ылайык, ушул жылдын 1-апрелине карата Кыргызстанда 31 764 баатыр эне Социалдык фонд аркылуу пенсия алат.

Автор: Айжанар Рыспек кызы
Фото: интернеттен алынды