Трмап Путин менен болгон сүйлөшүүнүн жыйынтыгын билдирди

АКШнын президенти Дональд Трамп Орусиянын лидери Владимир Путин менен болгон телефон аркылуу сүйлөшүүсү жыйынтыкталганын айтып, айрым учурларга токтолду. Бул туурасында ал социалдык баракчасына бөлүшкөндүгүн чет элдик басылмалар кабарлады.

- Орусия менен Украина ок атышууну токтотуу жана андан да маанилүүсү согушту токтотуу боюнча сүйлөшүүлөрдү дароо башташат;

- Украина менен Орусиянын ортосундагы мамилени ки өлкө гана билет, андыктан, келишим эки өлкөнүн ортосунда талкуулануусу маанилүү;

- Баарлашуу жакшы маанайда болду;

- Орусия согуш бүткөндөн аяктаганда АКШ менен ири соода-сатык жүргүзгүсү келет жана мен ага макулмун. Бул өлкө көп сандагы жумуш орундарын жана байлыктарды түзүү үчүн эбегейсиз потенциалга ээ;

- Мындан тышкары, Украина да өз өлкөсүн кайра куруу менен соодадан чоң пайда көрө алат;

- Орусия менен Украинанын сүйлөшүүлөрү дароо башталат. Бул тууралуу мен Украинанын президенти Владимир Зеленскийге, Еврокомиссиянын төрайымы Урсула фон дер Лейенге, Франциянын президенти Эммануэль Макронго, Италиянын премьер-министри Жоржа Мелониге, Германиянын канцлери Фридрих Мерцке жана Финляндиянын президенти Александр Стуббга кабарладым.

- Бул арада сүйлөшүүлөрдү Рим папасы Ватиканда өткөрүүгө абдан кызыкдар экенин билдирди.

Белгилей кетсек, Трмаптын Путин менен болгон биринчи сүйлөшүүсү 19-мартта орун алган.

Автор: Замира Ниязбекова