Агартуу министрлиги бала бакча жетекчисинин мас абалындагы видеосу боюнча комментарий берди

Агартуу министрлиги интернет желесинде тараган бала бакча жетекчисинин мас абалындагы видеосу боюнча комментарий берди.

Мекеме билдиргендей, аталган видео бир жыл мурун Кочкор районундагы "Фаризат" бала бакчасында тартылган.

"15-майда интернет айдыңында жарыяланган бала бакчанын жетекчисинин мас абалындагы видеосу бир жыл мурун райондогу "Фаризат" бала бакчасында тартылган.

Кочкор райондук билим берүү бөлүмү тарабынан жүргүзүлгөн кызматтык териштирүүнүн жыйынтыгында бала бакчанын жетекчиси жана 5 кызматкери ээлеген кызмат ордунан бошотулду", - деп билдирди министрлик.

Автор: Айжанар Рыспек кызы
Фото: Агартуу министрлиги