Мас абалында унаа башкарган мектеп бүтүрүүчүсү аныкталды (видео)

Чүйдө мас абалында унаа башкарган мектеп бүтүрүүчүсү кармалды. Бул тууралуу бүгүн, 27-майда ЖКККББнын басма сөз кызматы билдирди.

Маалым болгондой, ал түнкү рейд учурунда Чүй облусунун жол тескөөчүлөрү тарабынан кармалган. Бүтүрүүчү Toyota Vitz үлгүсүндөгү унаа менен бара жатып, жол эрежелерин бузгандыгы үчүн токтотулган. Текшерүү учурунда анын айдоочулук күбөлүгү жок болуп, мас абалында экендиги аныкталды.

Бул факты боюнча бүтүрүүчүнүн башкаруусундагы унаа айып короо жайына токтотулуп, ата-энеси жана мектептин тарбия завучу чакыртылып, өткөрүлүп берилди.