АКШда абактан качкандардын сегизи кармалды

АКШнын Жаңы Орлеан шаарындагы түрмөдөн качып кеткен он туткундун сегизи кармалды. Бул тууралуу чет элдик басылмалар жазышты.

Эки айыпталуучу Техас штатынын Уокер округунан кармалган. Луизиана штатынын Батон-Руж шаарынан дагы бир качкын колго түшкөн. Ошентип 16-майда түрмөдөн качып чыккандардын сегизи бүгүн, 27-майга чейинки аралыкта кармалышты.

Эске салсак, он бир күн мурун түрмөдөн он адам качып кеткени маалым болгон. Алар видеокөзөмөлгө түшүп калышкан. Качкандардын көбү оор кылмыштар менен соттолушканы айтылган.

Автор: Кылымбек Бейшеев
Фото: Интернеттен алынды