Милиция жөө өтмөктөн кызы менен өтүп бараткан жарандын сабалышы боюнча маалымат берди

Бишкекте кичинекей кызы менен жөө өтмөктөн өтүп бара жаткан жаранды сабаган Toyota Camry үлгүсүндөгү унаанын айдоочусу боюнча Октябрь РИИБинин басма сөз кызматы маалымат берди.

Анда айтылгандай, окуя 23-майда Рухий-Мурас жаңы конушунда болгон. Райондук милицияга Ш.А. аттуу жаран арыз менен кайрылып, тергөөгө чейинки текшерүү иштери башталды.

"Тергөө кызматына 1996-жылы туулган Т.Н. аттуу жаран алып келинди. Ага жол эрежесин бузгандыгы үчүн административдик протокол түзүлдү. Ш.А. аттуу жарандын денесине залал келтирүү фактысы боюнча айдоочуга юридикалык баа соттук-медициналык экспертизанын жыйынтыгы менен берилет", - деп айтылат маалыматта.

Белгилей кетсек, Бишкекте жөө өтмөктөн кичинекей кызы менен өтүп бараткан жаранды ага жол бербеген айдоочу сабап кеткендиги тууралуу видео тарады.

Автор: Замира Ниязбекова