Орус парламенти жарандыгы бар мигранттарга социалдык төлөмдөрдү чектөөнү сунуштады

Мамлекеттик Думанын депутаты Сергей Миронов Орусияда 20 жылдан бери жарандык алып жашаган мигранттарга гана социалдык төлөмдөрдү, жөлөкпулдарды жана турак жай сертификаттарын берүү мүмкүндүгү тууралуу негизги мыйзам долбоорун өкмөттүн кароосуна жиберди. Бул тууралуу орус басылмалары жазышууда.

Маалым болгондой, мамлекеттик колдоо алуу укугу жарандык алып жашаган мигранттарга 20 жыл туруктуу жашагандан кийин гана белгилөө сунушталууда. Бул жобону өлкөгө атайын көчүрүлүп келген, буга чейин жарандык алган, Беларус менен Украинанын жарандарына, аскердик операциялардын катышуучуларына жайылтпоо сунушталууда.

Долбоорго ылайык, социалдык жөлөкпулдар, пенсияга кошумчалар, жаш жана көп балалуу үй-бүлөлөр үчүн турак жай сатып алуу же үй куруу үчүн субсидиялар, жеңилдетилген ипотекалык насыялоо программалары сыяктуу колдоо чараларын берүүдө жарандыкты жаңы алгандарга талаптар каралышы керек.

"Жакында өлкөнүн ар кайсы аймактарында турак жай сатып алуу үчүн күбөлүктөрдү алуу боюнча жаңжалдар чыкты. Эл эмне үчүн өкмөт жакында паспорт алган жарандарга жардам берип жатат деп нааразы болууда, ал эми көптөгөн жергиликтүү тургундар бул кезекте көп жылдар бою эч кандай жыйынтыксыз турушат", - деп түшүндүрдү Миронов.

Автор: Замира Ниязбекова