Шашылыш билдирүү! Тоолуу аймактарда сел жүрөт

Кыргызстанда 28-31-май күндөрү туруксуз аба ырайы күтүлөт. Бул тууралуу бүгүн, 27-майда Кыргызгидромет кызматы билдирүү таратты.

Маалыматка ылайык, республиканын тоолуу жана тоо этектериндеги райондорунда сел жүрүшү мүмкүн, дарыяларда суунун деңгээли көтөрүлүшү күтүлөт.

ӨКМ бул күндөрү коопсуз жайларда болууну эскертет. Өзгөчө жаан-чачындуу күндөрү тоолордо, жаратылышта эс алууда дарыя жээктеринен алыс болууга чакырат.

"Кырсыкка кабылсаңыз 112 кызматына билдириңиз. Чалуу акысыз жана күнү-түнү кабыл алынат", - деп жазылат маалыматта.

Автор: Жазгүл Жаңыбаева