Минскте 5 жыл мурун өз кызын уурдап качып кеткен орус жараны кармалды (видео)

Беларустун борбору Минск шаарындагы аэропорттон беш жыл мурун уурдалган кызын чет өлкөгө алып кетүүгө аракет кылган орус жараны кармалды.

Чет элдик басылмалар жазгандай, аба майданда 21-майдан 22-майга караган түнү Орусиянын паспорттору бар эркек менен кыздын документтерин текшерүү учурунда шектенүү жаралган. Алардын паспорттору жарым-жартылай жасалма болуп чыккан.

Кийинчерээк ал адам киши өлтүргөндүгү үчүн Орусиянын ИИМи тарабынан мамлекеттер аралык издөөгө алынганы, ошондой эле ата-энелик укуктан ажыратылып, бала менен мыйзамдуу түрдө жашай албаганы белгилүү болгон. Шектүү ата-энелик укуктан ажыратылгандан кийин кызды апасынан алып качып, 5 жыл Новороссийскиде жашынып жүргөн. Ал жоопкерчиликтен кутулуу үчүн Бириккен Араб Эмираттарына Минск аркылуу учуп кетүүгө аракет кылган.

Кылмышкер учурда тергөө абагында, кыз кылмыш иликтөө кызматкерлерине өткөрүлүп берилди.