Ысык-Атада турак үйдөн чыккан тилсиз жоо ири чыгымга алып келди

Бүгүн, 28-майда Чүй облусунун Ысык-Ата районундагы Ивановка айылында турак үйдөн өрт чыкты. Бул тууралуу ӨКМдин маалымат борбору билдирди.

Маалымдалгандай, өрттү өчүрүүгө жалпы 2 күжүрмөн эсеп тартылып, саат 08:43тө толук өчүрүлдү.

"Өрттүн кесепетинен турак үйдүн 300 чарчы метри жана короодо токтоп турган 2 жеңил унаа толугу менен күйүп кеткен. Өрт өчүрүүчүлөрдүн аракети менен кошуна жайгашкан турак үйлөргө жалын өткөрбөй сактап калуу чарасы көрүлдү. Жабыркагандар жок, кырсыктын келип чыгуу себептери такталууда", - деп айтылды маалыматта.

Автор: Замира Ниязбекова