Трамп Орусияга каршы жаңы санкциялар боюнча чечим кабыл ала электигин билдирди

АКШнын президенти Дональд Трамп Орусияга каршы санкцияларды күчөтүү боюнча мыйзам долбоорун колдойбу же колдобойбу, азырынча чече электигин билдирди. Бул тууралуу АКШ лидери 30-майда журналисттердин суроолоруна жооп берип жатып айтты.

Айтымында, АКШ Сенаты тарабынан Орусияга каршы санкцияларды күчөтүү үчүн даярдалган жаңы мыйзам долбоорун көрө элек. Ал документти карап чыккандан кийин гана чечим кабыл алат.

"Мен муну көрүшүм керек. "Биз муну карап чыгабыз", - деген Трамп.

Документте орусиялык мунай менен газды сатып алган өлкөлөрдөн келген товарларга 500 пайыз тариф киргизүү сунушталат.

Буга чейин The Atlantic басылмасы Трамп 2-июнда Стамбулда боло турган Украинадагы жаңжалды жөнгө салуу боюнча сүйлөшүүлөрдүн экинчи айлампасынан кийин Москвага каршы санкциялар боюнча чечим кабыл алышы мүмкүн экенин жазган.

Трамптын айтымында, АКШ администрациясы Орусияга каршы санкцияларды катаалдатпайт, анткени Вашингтон дагы эле Москва менен экономикалык өнөктөштүктү өнүктүрүүгө ишенет.

РБК басылмасы Орусия Батыш өлкөлөрү киргизген бардык чектөөлөрдү мыйзамсыз деп эсептеп, аларды жокко чыгарууну талап кылып келерин жазды.

Автор: Айжанар Рыспек кызы
Фото: Интернеттен алынды