Алты жолу ок чыгарган... Колумбияда сенаторго кол салуу болду (видео)

Колумбияда келерки жылдын май айындагы шайлоодо президенттикке талапкер деп эсептелген сенатор Мигел Урибеге кол салуу болду.

Associated Press билдиргендей, кол салуу кечээ, 7-июнда ал Боготадагы үгүт митингинде сүйлөп жаткан учурда болгон.

El Tiempo гезитинин жазганына караганда, ок аткан 15 жаштагы өспүрүм болгон. Ал 1,5 метр аралыктан сенаторго болжол менен 6 жолу ок чыгарган. Октордун бири Урибенин башына тийген. Ошондой эле окуя болгон жерде дагы 2 киши жарадар болгон.

Саясатчы ооруканада оор абалда жатканы айтылууда. Ал эми кол салган өспүрүм сенатордун жансакчысы тарабынан жарадар болуп, кармалган. Анын иш-аракеттеринин себептери тууралуу азырынча маалымат жок.