Дастан Бекешев: "Ушундай ысыкта бак-дарактар өспөй жатат" (видео)

Бүгүн, 25-июндагы Жогорку Кеңештин жыйынында депутат Дастан Бекешев шаарларда, аймактарда жашылдандыруу иштери жакшы жүрбөй жатканын айтты.

"Бак-дарактар кандай өсүп жатат, эч ким билбейт. Отчётту жакшы эле "мынча көчөт отургузуп койдук" деп жазып жатышат. Бирок ирригация маселеси начар. Ушундай ысыкта бак-дарактар өспөй жатат. Өзгөчө Бишкектеги парктар каралбай калды",- деди ал.

Эл өкүлү өкмөттөн президенттин үч жыл мурун чыгарган "Жашыл мурас" жарлыгын жергиликтүү бийлик кандай деңгээлде аткарышып жатканын текшерүүнү суранды.