Израил Ливандагы "Хезболланын" жер астындагы объектине сокку урду (видео)

Израилдин согуштук учактары Ливандын түштүгүндөгү "Хезболланын" ок атуу жана коргонууну көзөмөлдөөчү жайына сокку урганын чет элдик басылмалар жазып чыгышты.

"Бул объекттин болушу жана аны калыбына келтирүү аракети Израил менен Ливан ортосундагы ок атышууну токтотуу келишимдерин одоно бузуу болуп саналат",- деп билдирген Израилдин Коргоо күчтөрү.

Объект мурда Израилдин соккуларынын натыйжасында толугу менен иштен чыгарылган. Бирок бул объектте "Хезболланын" ишмердүүлүгүн калыбына келтирүү аракети байкалгандан кийин Израил сокку урган.