Айып пул салынат! Мэрия тигүү калдыктарын таштандыга ыргытууга болбостугун эскертти

Бишкек шаарынын муниципалдык инспекциясы тигүү, курулуш жана башка өндүрүш калдыктарын таштанды контейнерлерине ыргытууга болбой турганын эскертти.

Маалымдалгандай, ага карата административдик жоопкерчилик, тагыраагы Укук бузуулар жөнүндө кодексинин 115-беренесинин 3-бөлүгүнө ылайык 7 500 сомдон 23 000 сомго чейин айып пул каралган.

"Шаар тургундарынын тигүү калдыктарын чыгарган эки учуру катталды. Таштоо учурунда инспекторлор тарабынан токтотулуп, мыйзам чегинде чаралар көрүлдү",- деп билдирди мэрия.

Мындан сырткары, аталган калдык түрлөрүн өрттөөгө тыюу салынат.

Автор: Айжанар Рыспек кызы
Фото: Бишкек шаарынын мэриясы