Дайырбек Орунбеков ЖМК өкүлдөрүнө жана блогерлерге кайрылды

Президенттин маалыматтык саясат бөлүмүнүн жетекчиси Дайырбек Орунбеков социалдык тармактагы баракчасы аркылуу өлкөдөгү жалпыга маалымдоо каражаттарынын өкүлдөрүнө жана блогерлерге кайрылды.

Анда ал туристтик сезон маалында кырсыктарды, зордук-зомбулукту чагылдыруудан карманып туурууга чакырды.

"Силер да ар бириңер мекенди сүйгөн, Кыргызстандын патриот атуулусуңар. Өлкөбүз өнүксө деген тилек, кыял баарыбызда бар. Ал үчүн мамлекетибиздин аброю жакшы болушу абзел.

Биздин өнүгүүнүн бирден бир маанилүү булагы - туризм. Азыр туристтик сезон кызып турган учур. Дал ушул маалда болуп жаткан кырсыктарды, зордук-зомбулукту чагылдырбай, бир аз карманып турууну суранам.

Башка өлкөлөрдө да кырсыктар, атышуулар, адам өлтүрүүлөр сыяктуу окуялар болот. Бирок алардын жарандары, журналисттери жана блогерлери мындай окуяларды чагылдырууда өлкөсүнүн аброюна шек келтирбөө үчүн жоопкерчиликтүү мамиле кылышат. Анткени башка өлкөгө эс алууга барган туристтер социалдык тармактардагы жана интернеттеги маалыматтарды окуп, изилдешет.

Акыркы мезгилде жол кырсыктары, андагы оор көрүнүштөр, кандуу кадрлар, адамдын жанчылган денеси тартылган сүрөт-видеолор коомчулукка жарыяланып жатканын көрүп жатам. Мындай материалдарды таратуу менен эч кандай пайда таппайсыңар. Тескерисинче, адамдын аң-сезимине терс таасир тийип, коомдо агрессия, чочулоо жаралат.

Ошондуктан, урматтуу мекендештер! Өнүгүүнүн бирден бир булагы болгон туризм тармагына зыян тийгизбейли. Анын ордуна туристтик жайларыбызды, Кыргызстандын кооз табиятын, улуттук меймандостугубузду кеңири чагылдырып, жакшы жактарын көбүрөөк айтып, көрсөтөлү!",- деп жазды ал.

Автор: Айжанар Рыспек кызы
Фото: Интернеттен алынды

11:46 09-07-2025

Жазылуу

РУБРИКАДАГЫ СОҢКУ КАБАРЛАР

20:05 2025-07-09 | Түркүн дүйнө

Түркияда жасалма интеллект Режеп Тайып Эрдоганды кемсинткени үчүн бөгөттөлдү 5 0

19:33 2025-07-09 | Кылмыштар, кырсыктар

Бишкек-Торугарт жолунда кооптуу абал жаралды (видео) 272 0

19:05 2025-07-09 | Спорт

Эмирлан Дүйшөналиев грек-рим күрөшү боюнча Азия чемпиону болду 212 0

18:43 2025-07-09 | Коом жана турмуш

Чүйдөгү менчикке берилип кеткен 2 лагер жана Ысык-Көлдөгү курорт мамлекетке кайтарылды 266 0

18:05 2025-07-09 | Саясат

Агресивдүү мамиле кылып, сөгүнгөн... Нурлан Мотуев кармалды 1568 0

18:03 2025-07-09 | Саясат

Садыр Жапаровдун Тажикстанга болгон мамлекеттик сапары аяктады 407 0

Архив

Комментарийлер (1)

miki87

2025-07-09 13:09:00

Эң туура айтылган сөз. Кылмыш жаза жоопкерчилик каралышы керек. Супер Инфо газетасы дагы азайткыла терс кабарларды. Кыргызстандагы терс кабар жетишпегендей акыркы күндөрү Россиянын жаман кабарларын кошуп алдынар. Кимге кереги бар? Ал кабардын.

Комментарий калтыруу үчүн өз ысымыңыз менен кириңиз же каттоодон өтүңүз.