15-июлда саат 09:00дөн 24:00гө чейин Бишкектин айрым көчөлөрүндө таза суу берүү токтотулат. Бул тууралуу шаардык мэриядан билдиришти.
Мэриядан билдиришкендей, бул турак жайларга, мектептерге, бала бакчаларга, саламаттыкты сактоо мекемелерине жана башка социалдык-тиричилик жана өнөр жай объекттерине тиешелүү.
Суу берүү убактылуу токтотулуучу райондор төмөнкү көчөлөр менен чектелет:
-
Фрунзе көчөсү – Жибек Жолу проспектиси – Абдрахманов көчөсү – Ибраимов көчөсү;
-
Фрунзе көчөсү – Жумабек көчөсү – Сүйүмбаев көчөсү – Ибраимов көчөсү.
Өчүрүү себеби диаметри 400 милиметр болгон Киров суу скважинасындагы аварияны жоюу иштери менен байланыштуу.
