Орусияда учак кырсыгы: Борттогу бир дагы жаран аман калган эмес

Кечээ, 24-июлда Орусиянын Амур облусунда Angara Airlines авиакомпаниясына таандык эски Ан‑24 учагы (1976-жылы чыгарылган) Благовещенск шаарынан Тында шаарына учуп бара жатып, тоолуу аймакта кырсыкка учурады. Бул тууралуу чет элдик басылмалар жазып чыкты.

Акыркы маалыматтарга караганда, учакта болжолдуу түрдө 50 адам болгон (43 жүргүнчү, анын ичинде 5 бала, жана 6 экипаж мүчөсү) баары көз жумду.

Учак Тында аэропортуна жеткенде биринчи конуу аракетинде аба ырайы начар болгондуктан баш тартып, экинчи аракетке өткөн. Бирок учак байланышты жоготкон. Өрттөнгөн учактын калдыктары тоолуу токойлордун ичинде табылган.

Орусиянын Өзгөчө кырдаалдар министрлиги кырсык болгон жерге 200дөн ашык адам жана 34 техника бирдиктери тартылганын билдирди. Кырсык болгон жай татаал токойлуу тоолуу рельефте жайгашкандыктан, куткаруучуларга жетүү абдан оор болгон.

Иликтөө жана себептери:
• Алдын ала маалыматтар эки негизги версияга токтолууда: катаал аба ырайы шарты жана экипаждын адашып калышы (экипаждын ката кетириши), ошондой эле техникалык мүчүлүштүк мүмкүнчүлүгү каралууда .
• Орусиянын Ички иликтөө комитети жана Байкало‑Ангара транспорт прокуратурасы тергөө иштерин баштады. Жарандар тараптан авиациянын коопсуздугу жөнүндө токтомдук эрежелердин бузулушу боюнча кылмыш иши козголду.

• Бул окуя Орусияда 2021-жылдан кийин болгон алгачкы адам өмүрүн алган жүргүнчүлүк учак кырсыгы катары белгилүү болууда.

•1976-жылкы бул учакка 2036-жылга чейин сертификат берилип, амортизацияга чейин колдонулууда болгон - бул чечим дүйнөлүк авиабезепсиздик стандарттарына туура келбейт. Ошондой эле бул учакта 2018, 2019, 2022‑жылдарда техникалык көйгөйлөр катталганы маалымдалган.
• Өкмөт жакындарына компенсация төлөө, тергөө иштерин каржылоо жана карыздарын жабуу боюнча кепилдик берди. Амур облусунда үч күндүк расмий аза күтүү жарыяланды, президент Владимир Путин жарандарга көңүл айтты.