Түркияда токойдон өрт чыгып, 2 миңден ашуун адам эвакуацияланды

Түркиянын Бурса провинциясында чыккан токой өртүнөн улам 2000ден ашуун адам эвакуацияланганын түрк маалымат каражаттары жазышты.

Кечээ, 26-июль күнү кечинде Гүрсу жана Кестел райондорундагы тоолордо башталган өрт катуу шамалдан улам тездик менен жайылып кеткен. Мындан улам бийлик Карахидир аймагындагы тургундарды эвакуациялоо чечимин кабыл алган. Эвакуациялангандар үчүн тамак-аш жана бардык керектүү нерселер даярдалган.

Транспорт жана инфраструктура министри Абдулкадир Уралоглу өрттү өчүрүү үчүн учактар колдонулганын билдирди. Өрт 110 гектарга жакын аянтты каптаган.

Автор: Кылымбек Бейшеев
Фото: Интернеттен алынды