"Сууну тосуп алып жаткансыңар". Оштун мэри “Жекелик” каналынын тазаланып жатканына суктанды (видео)

Бүгүн, 28-июлда Ош шаарынын мэри Жеңишбек Токторбаевдин таңкы рейддик кыдыруусу “Жекелик” каналынын суу корук аймагын ачуу иштерин жеринен көрүү менен башталды.

Анда шаар башчысы каналдын тазаланып жатканына суктанып, жергиликтүүлөргө түшүндүрүү иштерин жүргүздү.

"Карачы, тосулуп калган түтүктөр ачылып калыптыр. Сонун болуп калды. Шамал келет бекен? Байкуш сууну тосуп алып жаткансыңар. Компенсация төлөп бересиңерби эми?",- деди мэр.

Ошондой эле кошумча тазалана элек тараптары боюнча жеринде көрүп, тапшырмаларын берди.