Жаранды уу менен өлтүрүүгө шектелген 16 жаштагы эки бала кармалды

Новосибирск шаарынын Ленин райондук соту унаа ээсин уу менен өлтүрүүгө аракет кылган деген шек менен 16 жаштагы эки өспүрүмдү камакка алды. Бул тууралуу орусиялык басылмалар жазышты.

"Соттун чечими менен 16 жаштагы шектүүлөр ушул жылдын 26-сентябрына чейин камакта калтырылды. Чечимдер мыйзамдуу күчүнө кире элек", — деп айтылат маалыматта.

Соттун басма сөз кызматынын маалыматына караганда, өспүрүмдөр жабырлануучунун унаасынын эшиктерине белгисиз ууну шыбап койгон. Андан соң алар кылмыш болгон жерден качып кетишкен. Унаасына келген жаран байкап калып, полицияга кабарлаган.

Автор: Айсулуу Урустамова