Борбордо Ч.Айтматов проспектисинин бир бөлүгү эки айга жабылат

Бишкек мэриясы маалымдагандай, эртең, 29-июлдан тарта Чыңгыз Айтматов проспектисинин бир бөлүгү эки айга жабылат.

Ага ылайык, Ч. Айтматов проспектисинин А.Масалиев проспектисинен И.Ахунбаев көчөсүнө чейинки бөлүгүндө оңдоп-түздөө иштери жүргүзүлөт.

"Биринчиден, бордюрларды жана арыкты демонтаждоо иштери аткарылат. Бул мезгилде жол кыймылы үчүн ачык болот. Бирок асфальт алынып, жаңы катмар төшөлөрдө унаа кыймылы үчүн толук жабылат", - дешти мэриядан.

Буга байланыштуу №8 жана №55 автобустук каттамдардын кыймыл схемасы убактылуу өзгөрөт.

Кошумчалай кетсек, Ч. Айтматов проспектисинде каттам саат 22:00дөн 05:00гө чейин тыюу салынган. Бул учурда унаалар Масалиев проспектиси менен Садырбаев көчөсүнө багытталган.

Автор: Айжанар Рыспек кызы
Фото: Интернеттен алынды