Ошто үч эмдүү үч үй-бүлөгө батирлер берилди

Бүгүн, 30-июлда Ош шаарынын мэри Жеңишбек Токторбаев шаардагы үч эмдүү үч үй-бүлөнүн ар бирине эки бөлмөлүү батирлер белек кылды. Бул тууралуу мэриядан кабарлашты.

Алар:

- Саматбек Сатыбалдиевдин үй-бүлөсүндө жарык дүйнөгө келген 3 эм наристелери - Асылай, Ариет, Азирет;

- Рустамбек Кудайкуловдун үч эм кыздары - Сабина, Самира, Медина;

- Медербек Маматовдун үй-бүлөсүндөгү үч эм Рабия, Разия, Рафия.

Оштун мэри өз сөзүндө жаштарга стимул болсун деп батирлерди белек кылып жаткандыгын айтып, шаарда мындай практика болбогондугун белгиледи.

Буга чейин дагы үч үй-бүлө батирлүү болушкан.

Автор: Замира Ниязбекова