Өлкөдө социалдык жөлөкпул алуучулардын саны 1357 адамга көбөйдү

Кыргызстанда социалдык жөлөкпул алуучулардын саны көбөйдү. Бул тууралуу бүгүн, 31-июлда Эмгек министрлиги билдирди.

Маалым болгондой, 1-июлга карата ай сайын социалдык жөлөкпул алуучулардын жалпы саны 112,1 миң адамды түздү. Төлөөгө багытталган жалпы сумма 4 миллиард 422 миллион 200 миң сомду түздү.

Өткөн жылдын ушул мезгилине салыштырмалуу жөлөкпул алуучулардын саны 1 357 адамга көбөйдү.

Алардын ичинен:

• бала кезинен майыптыгы бар адамдардын саны 1 255 адамга көбөйүп, жалпы 40 948 адамга жетти;

• багуучусун жоготкон балдардын саны 434кө көбөйүп, жалпы 21 243 балага жетти.

Автор: Замира Ниязбекова