Эми дарылар тууралуу "Дары-дармек" тиркемесинен маалымат алса болот

Өлкөдө эми дары-дармектер тууралуу маалыматты "Дары-дармек" мобилдик тиркемесинен алса болот. Бул тууралуу Саламаттык сактоо министрлиги кабарлайт.

Ага ылайык, тиркеме Дары-дармек жана медициналык жабдуулар менен камсыздоо департаменти тарабынан иштелип чыккан.

Тиркеме аркылуу:

дарынын расмий чектик баасын билсеңиз болот;
дары кайсы дарыканаларда бар экенин табасыз;
ашыкча баа коюлса – чекти сканерлеп арыз жөнөтө аласыз;
терс таасирлери жөнүндө билдире аласыз.

"Эми дары-дармектин чектик баасын билүү, дарыканалардагы ашыкча баалар тууралуу кабар берүү жана жакынкы дарыканадан керектүү дарыны табуу мүмкүнчүлүгү ар бир жарандын колунда",- деп билдирди мекеме.

Суроолор боюнча ММК фондунун 113 номуруна чалсаңыз болот.

Автор: Айжанар Рыспек кызы
Фото: Интернеттен алынды