Жалал-Абадда оор жумуш менен алектенген жашы жете элек 20 өспүрүм аныкталды (фото)

Кечээ, 31-июлда Жалал-Абадда жашы жете элек иштеген өспүрүмдөрдү текшерүү рейди өткөрүлдү. Бул тууралуу шаардык мэрия билдирди.

Жалал-Абад шаарынын мэриясынын социалдык өнүгүү секторунун, шаардык эмгек, социалдык камсыздоо жана миграция башкармалыгынын үй-бүлө жана балдарды коргоо бөлүмүнүн жана шаардык ички иштер бөлүмүнүн жашы жете элек өспүрүмдөр менен иштөө инспекциясынын кызматкерлери тарабынан "Эмгек-өспүрүм" аталышындагы рейд өткөрүлдү.

Рейддин жүрүшүндө коомдук жайларда, соода-сатык жайларында, унаа жуучу жайларда, курулуштарда оор жумуш менен алектенген 20 дан ашуун өспүрүм аныкталып, жеринен түшүндүрүү иштери жүргүзүлүп, адистер тарабынан ата-энелерине айып пул салынды.

Аталган рейддин максаты - өспүрүмдөрдүн оор жумуштарга тартылуусуна, алардын психикалык, физикалык жактан жабыр тартуусуна жол бербөө жана ар кандай кырсыктардын алдын алуу болуп саналат.

Автор: Айсулуу Урустамова