Жарым жылда айыл чарбасынан түшкөн салык 563 миллион сомдон ашты (видео)

Мамлекеттик салык кызматы январь-июнь айларында айыл чарба тармагынан түшкөн салыктык түшүүлөр 563,4 миллион сомду түзгөндүгүн билдирет. Бул тууралуу бүгүн, 1-августта мекеменин маалымат кызматы билдирди.

Маалым болгондой, бул өткөн жылдын ушул мезгилине салыштырмалуу 76 миллион сомго көп. Акыркы беш жылда Кыргызстанда айыл чарба тармагынан түшкөн салык 4 эсеге өстү. Бул мезгилдеги жыйымдардын жалпы суммасы 3 миллиард 516 миллион сомго жетти.

2020-2024-жылдар аралыгында экономиканын бул секторунан түшкөн салыктык түшүүлөр төмөнкүнү түздү:

2020-жылы - 261,07 миллион сом;

2021-жылы - 325,7 миллион сом;

2022-жылы - 507,7 миллион сом;

2023-жылы - 818,8 миллион сом;

2024-жылы - 1 миллиард 40 миллион сом.