Оштун мэри дагы бир жалгыз бой аялды 4 перзенти менен үйлүү кылды (видео)

Икрамжан Сайдаматов шаардагы Өзбек көчөсү №6 дарегиндеги жолду тосуп, ортосуна үй салып алган. Ош шаарынын мэри Жеңишбек Токторбаев бүгүн, 5-августта таңкы кыдырууда турак үйүн бузуп, жолду ачып жаткан үйгө барган.

Мында үй ээси жалпы 14 адам жашап жатканын, үйүнүн жарымы бузулган соң батпай, үйүнүн калган бөлүгү жараксыз экенин, кызы төрт баласы менен турмушунан ажырап чогуу жашап жатканын, балдарынын майыптуулугу бар экенин айтып жардам сурап кайрылган.

Турмуш шарты чынында оор экенин жана балдарынын жаш, атасыз чоңоюп жатканын эске алган калаа башчысы Жеңишбек Токторбаев аларды көчүрүп чыгарып кетип, үй берерин убадалаган. Көп өтпөй аталган үй-бүлө эки бөлмөлүү жаңы үйгө көчүрүлүп, күтүлбөгөн кайрымдуулук иштен кубанычта.