Кең-Сай сугат суу станциясы сентябрдын аягына чейин ишке берилет

Кең-Сай сугат суу станциясы сентябрь айынын аягына чейин ишке берилет. Бул тууралуу Ош шаарынын мэриясы билдирди.

20 жылдан ашуун убакыттан бери иштебей турган Жапалак айылындагы суу насостук станциясы Кең-Сайды сугат суу менен камсыз кылуу максатында курулган.

Ош шаарынын мэри Жеңишбек Токторбаев Кең-Сай массивин толук өздөштүрүү максатында тиешелүү адистер менен бирге суу станциясын иштетүү боюнча жеринде техникалык көчмө жыйын өткөрдү.

Мында станцияны толук оңдоп-түзөп сентябрь айынын аягына чейин пайдаланууга берүү тапшырмасы коюлду.

Кең-Сай массивинен Ош шаарынын үч миңден ашуун тургунуна 800 гектар жер мындан 15 жыл мурун бөлүнүп берилген.

Автор: Айсулуу Урустамова