Агартуу министрлиги ата-энелерге кайрылды

Агартуу министрлиги балдарын 1-2-класска окутуп жаткан ата-энелерге кайрылды.

Анда баланы 1 же 2-класска кабыл алуу жөнүндө билдирме алынгандан кийин бир айдын ичинде (4-августтан 5-сентябрга чейин) тиешелүү документтерди мектептерге тапшыруу зарылдыгы айтылат.

Ал үчүн төмөнкү документтер керек:

– баланын ден соолугунун абалы жөнүндө медициналык маалымкаттын түп нускасын (белгиленген формада);

– бала алган эмдөөлөр жөнүндөгү медициналык маалымкаттын түп нускасын (белгиленген формада);

– баланын 3х4 сантиметр өлчөмүндөгү сүрөтү.

Автор: Айжанар Рыспек кызы