Жаңы гимнге сынак: Марат Иманкулов композиторлор жана обончулар менен жолугушту

Кечээ, 6-августта мамлекеттик катчы, гимндин жаңы редакциясын тандоо боюнча мекемелер аралык комиссиянын төрагасы Марат Иманкулов композиторлор, обончулар жана музыка ишмерлери менен жолугушту. Бул тууралуу Маданият министрлиги билдирди.

Анда 1-этаптын жыйынтыгы менен тандалып алынган гимдин жаңы редакциядагы текстинин 5 мыкты долбооруна музыкалык чыгарма жаратууга сынак жарыялангандыгы тууралуу маалымат берилди.

Ошондой эле бул сынакка композиторлор, музыканттар, ырчылар, ошондой эле музыкалык чыгармачыл жамааттар, студиялар, союздар жана башка уюмдар – курамы 5 адамдан ашпаган топтор катыша алаары белгиленди.

Катышуучулар суроолорун узатып, сынактын 2-этабына коюлган талаптар жана уюштурууга тиешелүү маселелерди талкуулашты.

Сынакка катышуу үчүн өтүнмөгө төмөнкү документтер тиркелиши керек:

Музыкалык чыгарманы музыкалык аспаптын коштоосунда же хор/оркестр менен вокалдык жана аспаптык аткаруудагы аудио же видеожазуу (USB-флеш-алып жүрүүчүдө);
Гимн долбоорунун ноталык жазуусу (партитурасы) кагаз жүзүндө;
Гимн долбоорунун тексти кагаз жүзүндө;
Ар бир автордун жеке маалыматтарын иштеп чыгууга макулдугу.

Эске сала кетсек, сынактын 2-этабына катышуу үчүн жарандар долбоорлордун кагаз жүзүндөгү вариантын 8-сентябрга чейин gimn.2025@minculture.gov.kg жөнөтүшү керек.

Автор: Айжанар Рыспек кызы
Фото: Маданият министрлиги