Эгиз балдар эгиз кыздарга үйлөнүп түгөйлөрүн алмаштырып алышкан

Казакстанда эгиз балдар эгиз кыздарга баш кошушкан. Тойдо балдар жубайларын адаштырып алышканы тууралуу видео соцтармакка тарады.

Эгиз бир туугандардын үйлөнүү тоюнда күлкүлүү окуя болгон. Бет ачардан кийин тамада күйөөлөрдү келиндердин жанынан орун алууга чакырган. Анда бир туугандар келип, кыздардын кимисинин колуктусу ким экенин таппай, бири-бирин карап туруп калган.

Бул окуя боюнча соцтармакта колдонуучулар түрдүү күлкүлүү пикирлерди калтырып, "Зита жана Гитадай" эле болдуңар дешүүдө. Ошондой эле жагымдуу сөздөрдү жазышып, бакыт каалап жатышат.