Арал-Казарман жолунда бир тараптуу каттам ачылды

Түндүк-Түштүк альтернативдик унаа жолунун Арал-Казарман тилкесинин 283–284-чакырымдар аралыгына түшкɵн жер кɵчкү тазаланып, бир тараптуу каттам берилди. Бул тууралуу Транспорт министрлиги бүгүн, 8-августта билдирди.

Белгилей кетсек, 24-июлда саат 12:00 чамасында аталган унаа жолдун 280–281-чакырым аралыгында тоо бетинен ири көлөмдөгү таш көчкү түшүп, жол убактылуу жабылган.

Тазалоо иштерине министрлик алдындагы №18, 14, 955 Жол тейлөө ишканалары тартылган. Кɵчкүнүн кɵлɵмү чоң болгондуктан 14 атайын техника жана 18 кишиден турган жол кызматкерлери тынымсыз иш алып барды. Жалпысынан141000 куб метр таш көчкү тазаланды.

Автор: Айжанар Рыспек кызы
Фото: Транспорт министрлиги