
Бүгүн 9-августа, Нарын аэропортуна техникалык текшерүү максатында атайын учак келип конду. Бул тууралуу Нарын облустук өкүлчүлүгүнөн билдиришти.
Маалым болгондой, аэропорттун абалы, инфраструктурасы жана конуу тилкесинин даярдыгы боюнча жүргүзүлгөн текшерүү ийгиликтүү жыйынтыкталды.
Иш-чарага облус башчысы Нурбек Сатаров катышып, тиешелүү кызмат өкүлдөрү менен биргеликте аба майданынын ишке даярдыгын көрүп чыгышты.