Жалал-Абадда массалык ишембилик өттү

Жалал-Абад шаарында массалык ишембилик өттү. Бул тууралуу шаардык мэрия билдирди.

Маалыматка ылайык, ишембиликке мекеме-ишканалардын кызматкерлери жана шаар тургундары катышты.

Ишембиликтин алкагында эс алуу бактары, жол жээктери, тротуарлар, арыктар жана мекеме-ишканалардын айланасы, аллеялар, аянттар тазаланып, дарактар актап-сырдалууда. Ошондой эле курулуш жүрүп жаткан аймактар иретке келтирилүүдө.

Эскерте кетсек, мэрдин буйругуна ылайык, 1-августтан 1-ноябрга чейин шаарды тазалоо, көрктөндүрүү, жашылдандыруу, санитардык абалын жакшыртуу максатында үч айлык жарыяланган.

Автор: Айсулуу Урустамова
Фото: Шаардык мэрия